18 +  RSS  E-mail
16:45, 20 09 2018

Нотариус ярим соатда кўчмас мулкни бошқа шахсга ўтказиш бўйича битимни тасдиқлайди


Ҳукумат қарори билан 2019 йил 1 январдан бошлаб:

Кўчмас мулкни бошқа шахсга ўтказиш шартномасини нотариал тасдиқлашда бино ва иншоотлар ҳақидаги маълумотларни олиш нотариус томонидан мустақил амалга оширилади. Бу ҳақда Адлия вазирлиги “Ҳуқуқий ахборот” канали хабар беради.

Мазкур жараён қуйидаги босчиқларда амалга оширилади:

Дастлаб жисмоний ёки юридик шахс кўчмас мулкни бошқа шахсга ўтказиш шартномасини нотариал тасдиқлаш ҳақида давлат нотариал идораларига мурожаат қилади.

Бунда кўчмас мулкка эгалик ҳуқуқини тасдиқловчи ҳужжат билан биргаликда кадастр йиғмажилди, паспорт ёки шахсни тасдиқловчи бошқа ҳужжатлар тақдим этилади.

Кейинги босқичда нотариус бино ва иншоот жойлашган ҳудуддаги ер тузиш ва кадастр органига курьерлик хизмати ёки идоралараро электрон тизим орқали бино ва иншоотлар ҳақидаги маълумотларни сўраб сўровнома юборади.

Сўнгра ушбу сўровномага асосан ер тузиш ва кадастр органи бино ва иншоотларнинг тегишлилиги ва таркиби, кадастр рақами ва умумий (яшаш) майдони ҳажми, кўчмас мулкни бошқа шахсга ўтказишга тақиқ ва хатлов мавжуд ёки мавжуд эмаслиги ҳақидаги маълумотни тақдим этади.

Ҳужжатлар тўлиқ тақдим этилгач, 30 дақиқа ичида кўчмас мулкни бошқа шахсга ўтказиш шартномаси нотариал тасдиқланади.


© 2018-2019 Dadil.uz
DADIL.UZ - ахборот-таҳлилий портали. 2018 йил 1 июндаги 1233-сонли гувоҳнома.
Сайт материалларидан қисман ёки тўлиқ фойдаланганда “Фойдаланиш шартлари”га амал қилиниши лозим.
Муаллифлик ҳуқуқи қонун билан ҳимояланган.