18 +  RSS  E-mail
11:22, 01 02 2019

Italiyada pensiya yoshini kamaytirishdi


Italiya prezidenti Serdjo Mattarella mamlakatda pensiya islohoti boʻyicha qonunni imzoladi, deya xabar beradi ANSA agentligi.

Qonun loyihasi yanvar oyi oʻrtalarida parlament tomonidan qabul qilindi. Qonunga koʻra, “100 kvotasi” Italiya pensiya tizimiga kiritilgan. Bu pensiyaga chiqish davrini quyidagi formula bilan belgilashni anglatadi: fuqaroning yoshi va uning ish staji. Xullas, bu ikki koʻrsatkich 100 ga teng boʻlishi kerak.

Shuni taʼkidlash kerakki, eng kam pensiya yoshi 62 yilni tashkil etadi, bu holatda ish staji kamida 38 yil boʻlishi kerak. Ilgarigi qoidalarga koʻra, italiyaliklarning aksariyati 67 yoshda pensiyaga chiqa olardi.

Shuningdek qonunda kam taʼminlanganlarga oyiga 780 yevro miqdorida ijtimoiy toʻlovlar toʻlashni joriy etishni nazarda tutilgan. Bu shartli (yoki eng kam) daromad deb hisoblanmasligi, boshqa Yevropa mamlakatlaridanidek aholini ijtimoiy qoʻllab-quvvatlashning qoʻshimcha chorasidir, deb taʼkidlaydi agentlik.

Bosh vazir oʻrinbosari, Mehnat va ijtimoiy siyosat vaziri Luidji Di Mayo ushbu qonunni qabul qilinishi Italiyada «umumfarovonlik davlati» ni qurish yoʻlidagi qadam, deb atadi.

Foto: lenta.ru


© 2019 Dadil.uz
DADIL.UZ - axborot-tahliliy portali O’zbеkiston matbuot va axborot agеntligi tomonidan elеktron OAV sifatida 2018 yil 1 iyunda 1233-sonli guvohnoma bilan davlat ro’yxatidan otkazilgan.
Dadil.uz dagi materialning bevosita manziliga faol havola qilinib, xat boshida “DADIL.UZ xabar beradi” deb ko’rsatilgan taqdirda ushbu materiallardan qisman yoki toʻliq foydalanishga ruxsat etiladi.
Mualliflik huquqi qonun bilan himoyalangan.