18 +  RSS  E-mail
7:21, 17 01 2019

Sevib, sevilib


Yurishdan toʻxtamas vaqtning oyogʻi,

Sinab keladi baxt avval sabotda.

Desang, yolgʻizlikda oʻtmasin umrim,

Sevib, sevilib sen, yasha hayotda!

Yoʻlingda qoqilsang, turishni oʻrgan,

Aldansang, hushyorlik daʼvati yodda.

Muhabbat oʻtkinchi mehmon boʻlmasin,

Sevib, sevilib sen, yasha hayotda!

Sodiq hamroh bilgin mehru-ishonchni,

Quvvating kuchayar bir eʼtiqodda.

Yolgʻonga suyanma, muz togʻi erur,

Sevib, sevilib sen, yasha hayotda!

Vafoda muqarrar mehrning kuchi,

Hayot yashnagaydur chin muhabbatla.

Xiyonat nomini oʻchirib tashla,

Sevib, sevilib sen, yasha hayotda!

Muhabbat — afsona, desalar, shoshma,

Hayotning javobi boʻlar albatta!

Aldashar, avrashar — sinovli dunyo,

Sevib, sevilib sen, yasha hayotda!

Bahodir OTASH

“Oqibatlilar”dan


© 2019 Dadil.uz
DADIL.UZ - axborot-tahliliy portali O’zbеkiston matbuot va axborot agеntligi tomonidan elеktron OAV sifatida 2018 yil 1 iyunda 1233-sonli guvohnoma bilan davlat ro’yxatidan otkazilgan.
Dadil.uz dagi materialning bevosita manziliga faol havola qilinib, xat boshida “DADIL.UZ xabar beradi” deb ko’rsatilgan taqdirda ushbu materiallardan qisman yoki toʻliq foydalanishga ruxsat etiladi.
Mualliflik huquqi qonun bilan himoyalangan.