18 +  RSS  E-mail
15:07, 27 09 2018

Oʻzbekiston Prezidenti tojikistonlik dehqonlarga Captiva sovgʻa qildi


Foto: Prezident matbuot xizmati

Oʻzbekiston va Tojikiston Prezidentlari Tursunzoda tumanidagi “Bogʻi somon” dehqon xoʻjaligiga tashrif buyurdi. Bu haqda Prezident matbuot xizmati xabar berdi.

Xoʻjalik rahbari Kamol hoji Madumarov asli oltiariqlik usta dehqon farzandi. U ota kasbini davom ettirib, qut-baraka, elda obroʻ topgan. Bugungi kunda xoʻjalik uzumzori 500 gektarga yetgan. Oʻnga yaqin navdagi shirin va hosildor uzumlar dovrugʻi butun mintaqamizga taralgan.

Prezidentimiz uzumzor bogʻ va mahsulotlar omborini koʻzdan kechirdi. Shavkat Mirziyoyev Kamol ota Madumarovga mamlakatimizda ishlab chiqarilgan Captiva avtomashinasini sovgʻa qildi.

Davlatimiz rahbari shu tumandagi “Vatan” dehqon xoʻjaligida ham boʻlib, uning rahbari Neʼmat hoji Usmonovga yana bir avtomashina tuhfa etdi.


© 2018-2019 Dadil.uz
DADIL.UZ - axborot-tahliliy portali. 2018 yil 1 iyundagi 1233-sonli guvohnoma.
Sayt materiallaridan qisman yoki toʻliq foydalanganda “Foydalanish shartlari”ga amal qilinishi lozim.
Mualliflik huquqi qonun bilan himoyalangan.