18 +  RSS  E-mail
16:12, 04 09 2018

Fermer xoʻjaligidan yer maydoni ajratib beraman deya aldab, pullarini oldi


Jizzax viloyatining Arnasoy tumanida 18 avgust kuni “O.Vodiy” MFYda yashovchi H.J. ismli ayol murojaat qilib, shu yil fevralь va mart oylarida qoʻshnisi, fermer xoʻjaligi raisi Sh.X. va fuqaro N.I.lar, H.J.ning turmush oʻrtogʻiga fermer xoʻjaligidan 3 gektar yer maydoni ajratib berishlarini aytib, aldov yoʻli bilan 6 mln. 900 ming soʻm pulini olgani va bergan vaʼdalarini bajarmay pullarni oʻz ehtiyojlari yoʻlida ishlatib yuborganliklarini maʼlum qilgan.

Oʻzbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berishicha, koʻrilgan choralar natijasida Sh.X. va X.E.lar ushlangan. Holat yuzasidan jinoyat ishi qoʻzgʻatilib, tergov harakatlari olib borilmoqda.


© 2018-2019 Dadil.uz
DADIL.UZ - axborot-tahliliy portali. 2018 yil 1 iyundagi 1233-sonli guvohnoma.
Sayt materiallaridan qisman yoki toʻliq foydalanganda “Foydalanish shartlari”ga amal qilinishi lozim.
Mualliflik huquqi qonun bilan himoyalangan.